مسجات حلوة (ابوذيات)

سيوف الهجر صابني ولاحن000
ولاانت انكسركلبك ولاحن000
اظل اعزف بيك ولحن000
واصير شموع لفراحك اظوي0
______________________

الك شابح نظر عيني والك مال000
ذاب الكلب من هجرك والك مال000
لااني ناجح بحبك ولا اكمال000
ولا راسب واكول حيل بيه0
_______________________

الف وسفة الوكت عنكم بعدني000
اموت وارتجي وصلك بعدني000
تراني عالعهد ثابت بعد000
اني الجسد وانت الروح اليه0
_________________________

سرنه لاتظن حبيبي الدهر سرنه000
هجرنه ديارنه وللغرب سرنه000
وحياتك ما ظهر للناس سرنه000
لكن دمع عيني فضحني وعم عليه0
__________________________

عليه الوكت من ذبك وكت تالي000
صرت ذباح اليه انته وكتالي000
شروطي هيه وهي كتالي000
تحبني موت انته وترضه بيه0
__________________________

قدر مكتوب حبك وانته قسمة000
الواحد مالة ناتج من تقسمة000
لون بسيوف كلبي من تقسمة000
دشوف معزتك شمسوية بيه000
__________________________

وحق سورة الم نشرح والف لام000
بعد ما تنفع اعذارك ولا فلام000
الف لاموني عن حبك والف لام000
وعشر تالاف بس تحجي عليه0
___________________________

ما محدود حبنه وماله جانب000
والشافك تسودن ومال جانب000
جمالك مو طبيعي مال اجانب000
احسك من ذهب مخلوق اليه0
___________________________

وسواد الدنيا بعيوني تراكم000
وبعد العيون ما تكدر تراكم000
لان الرمد بيه تراكم000
واناشد يمته تشفه من رمدها0
____________________________

كمر ما ينوصفك حسنك وشكلك000
اكطعك بيدي ارد نوب اشكلك000
بخنجر سم ادج كلبي واشك لك000
نص عندك يظل ونص اليه0
______________________________

صحيح بعيد بس كلبي شعر بيك000
حزين وباقي بس اكتب شعر بيك000
عجيبة شلون باقي لسود شعر بيك000
وانه بفركتك ما ظل شعر بيه0
________________________________

جرح البيه كافيني وزايد000
واظل للموت احبك وازايد000
اريد اكعد بمزاد الحب وازايد000
واكل للناس حبك بس اليه0
_________________________________
نشم عطرك ياغالي من هوانة000
ونحب كلمن يحبنك ومن هوانة000
شتظن اكدر اعوفك من هوانة000
اذا عفتك مصبية تحل عليه0
___________________________________

وكع ميزاني من حملك والك دك0000
وكلبي المايدك لاحد والك دك0000
جهازي وحدة رمشلك والك دك0000
لان اثنينة نحبك سوية0
________________________________

يمين الله الكلب صابر ولامال0000
وعن بعدك ابد ماصاد ولامال0000
بكنوز الدنيا ما ابدلك ولامال0000
واعزك حتى من تبعد عليه0
________________________________

اريد اسال كليبي شاخذ وشرد0000
ليش بغفلة عني ابتعد وشرد0000
لوتدري قلبي شطلب وشراد0000
يريد يصير الك وتصير اليه0
________________________________

حياتي من غير شخصك شلي بيها0000
وجميع اعضائي صارت شلل بيها0000
لك توديلي رسايل شلي بيها0000
اريد بشوفتك نكعد سويه0
________________________________

هوينه وغير شخصك ما هوينه0000
وعليك العين تسال ما هووينه0000
امد ايدي على كلبي ما هووينه0000
اذا عندك دخيلك رده اليه0
______________________________